Zëdhënësi Ismet Hashani ngjitjen në majën e Everestit ua kushton kolegëve të rënë në detyrë

Ismet Hashani, zëdhënës i Policisë së Kosovës (PK), në Drejtorinë Rajonale në Gjilan, një pasionues i bjeshkatarisë ka vazhduar ngjitjet në majet e ndryshme, në vend dhe jashtë vendit dhe kësaj here ka bërë me dije se është ngjitur në majën e Malit Everest,  e lartë 5 mijë e 364 metra.

Këtë ngjitje, hashani thotë se ua kushton kolegëve të rënë në detyrë, si Lazim Rexhepi, Enver Zymeri dhe të gjithë të tjerëve.

Postimi i tij:

Me krenari dhe pietet të lartë, ngjitjen në majën Everest BC, në lartësi 5364 m, ua kushtoj kolegëve të rënë në detyrë, si Lazim Rexhepi, Enver Zymeri dhe të gjithë të tjerëve. /2LONLINE/