Zëdhënësi i VV-së: Petrit Selimi asnjëherë nuk i quajti fashistë kriminelët e vertetë

Pas reagimit të zëvendësministrit Petrit Selimi, i cili u sulmua me vezë nga aktivistë të Lëvzijes Vetëvendosje, ka reagur zëdhënësi i VV-së Frashër Krasniqi, i cili tha se zëvendësministri Selimi nuk i ka quajtur asnjëherë fashistë dhe kriminelë ata që kanë kryer vrasje, por po i quan aktivstët e VV-së.

“Petrit Selimi asnjëherë nuk i ka quajtur fashistë apo kriminelë ata që e vranë Enver Zymberin; asnjëherë nuk i ka quajtur fashistë kriminelët që kanë vrarë Selver Haradinin; asnjëherë nuk i quajti fashistë rojat e urës; asnjëherë nuk e quajti fashist mikun e tij të dashur Ivica Daçiq i cili Kosovën e quajti ISIS. Por, i quajti fashistë aktivistët e VETËVENDOSJE!-s që po bëjnë aksione kundër ndarjes etnike dhe fashizmit të Serbisë”, ka deklaruar Krasniqi.

Ai ka shtuar se Petrit Selimi, shefat dhe kolegët e tij, dijnë të ashpërsohen vetëm kur cënohen privatisht. Asnjëherë nuk kanë zell të tillë ashpërsie kur rrezikohet apo cënohet shoqëria dhe shteti ynë.
Ndërkaq zëvendësministri Selimi pas sulmit me vezë i ka quajur fashistë aktivistët e Lëvizjes Vetëvendosje./Indeksonline/

http://www.indeksonline.net/?FaqeID=2&LajmID=188706