Zbulohen mallra të kontrabanduara në ndalesa rrugore në rajonin e Prizrenit

Sot, në Prizren, Njësitet Antikontrabande të Doganës së Kosovës kanë organizuar ndalesa rrugore me qëllim të identifikimit të automjeteve të dyshimta si dhe potencialisht mallra të kontrabanduara, njofton Dogana e Kosovës.

Me këtë rast, është ndaluar një automjet transportues që transportonte mall pa dokumentacion dhe që dyshohet se është kontrabanduar në Kosovë.

Konkretisht, bëhet fjalë për tekstil-veshmbathje në sasi prej 1,160 artikujve me vlerë rreth 13,000 euro. Këto mallra po ashtu shkelin të drejtën e pronësisë intelektuale duke qenë marka të falsifikuara. Tē gjitha mallrat janë konfiskuar derisa ndaj personave përgjegjës është inicuar procedura kundërvajtës.

Njësitet e Doganës së Kosovës po vazhdojnë përpjekjet e tyre për të zbuluar dhe ndaluar veprimtarinë e paligjshme të kontrabandës dhe për të mbrojtur interesat e ligjshme të vendit tonë, thuhet në njoftim.   /2LONLINE/