Xhudoja vjen te nxënësit e Gjilanit!
Sot, oborri i shkollës “Thimi Mitko” u kthye në një arenë sportive ku fëmijët përjetuan nga afër magjinë e xhudos.
Në bashkëpunim me trajnerët dhe sportistët e Klubit të Xhudos “Gjilani”, nxënësit panë demonstrime spektakolare të teknikave bazë, por mbi të gjitha, u bënë vetë pjesë e tatamit për t’i provuar ato!
Drejtuesit e klubit bënë të ditur se aktiviteti u shoqërua me shumë energji, kurreshtje dhe buzëqeshje nga fëmijët, të cilët shfaqën interesim të jashtëzakonshëm për këtë sport.
“Ky aktivitet zhvillohet në kuadër të programit shtetëror “Kosova, Shtet i Xhudos” (komponenta “Xhudo në Shkolla”), i cili ka për qëllim shtrirjen dhe masovizimin e xhudos në secilën shkollë dhe komunë të vendit”, njofton Klubi i Judos Gjilani. /2LONLINE/