Xhevat Bekteshi fton qytetarët të votojnë drejtë?!

Xhevat Bekteshi është njëri nga kandidatet për Asamblenë Komunale të Gjilanit nga radhët e Aleancës për Ardhmërinë e Kosovës (AAK), në zgjedhjet e tetorit.

Ai fton qytetarët të votojnë drejtë, saktë, me sinqeritet, me urtësi dhe me maturi për fitoren e vendit dhe familjes sate.

“Po me shkollat ku mësojnë fëmijët e tu, a je i kënaqur! Kush po t’i mëson fëmijët, mësuesja e vërtetë apo kunatat e kryetarit, apo të afërmet drejtorëve te sektorëve te ndryshme. Çfarë shkruan për ty në librat, me të cilat mëson fëmija yt !? A mundesh për çdo ditë, pa u ngushtuar, t’i ndash 10 euro për ushqim në shkollë për fëmijën tënd!?A mund t’ua blesh rrobat, patika që duan, se fëmijë janë, lakmohen kur funksionarët “axhami” reklamojnë për çdo ditë patika e telefona të reja e të shtrenjta!?”, shtron pyetje të shumta, Bekteshi i AAK-së, pyetje këto që qytetari duhet t’ia bëjë vetës para se të votojë.

Ja postim i tij i plotë:

VOTO DREJTË…!?

Para se të votosh, fillo nga VETVETJA DHE FAMILJA, analizo edhe njëherë mirë si JETON, si e ke IDAREN dhe si është sofra për familjen tënde!

Mendo një herë se përse nuk ka punë për ty! Nëse je në punë, pyete veten a je i kënaqur me punën, me rrogën, me kushtet e punës. Kur shkon në market për të blerë gjanat ushqimore, pyetu a të del rroga deri në fund të muajit që të sigurosh ushqimin! A mund t’u blesh fëmijëve të tu gjërat që i duan, apo çdo herë që shkon të thyhet zemra ty edhe atyre duke i shikuar gjërat nëpër rafte, sepse nuk ja del dot, se nuk të dalin paret se çmimet janë në hava!?

Mendo si ja kalon dimrit, a munde t’i shlyesh faturat e rrymës, a kishe rrymë! A mund në përgjithësi t’i mbulosh FATURAT?! Po kur del jashtë shtëpisë, si të duket vendi ku jeton, lagjja, qyteti, fshati yt! Si i ke rrugët, a ke ujë, a ke kanalizim? Erërat dhe fekaljet duan të na ngulfatin nuk ka fshat që ka përroskë apo lum të pastër! Krahasoji pak me ata të shteteve tjera!

Po me shkollat ku mësojnë fëmijët e tu, a je i kënaqur! Kush po t’i mëson fëmijët, mësuesja e vërtetë apo kunatat e kryetarit, apo të afërmet drejtorëve te sektorëve te ndryshme. Çfarë shkruan për ty në librat, me të cilat mëson fëmija yt !? A mundesh për çdo ditë, pa u ngushtuar, t’i ndash 10 euro për ushqim në shkollë për fëmijën tënd!?A mund t’ua blesh rrobat, patika që duan, se fëmijë janë, lakmohen kur funksionarët “axhami” reklamojnë për çdo ditë patika e telefona të reja e të shtrenjta!?

VOTA është e ardhmja JOTE!.

VOTA është PËRGJEGJËSI!

VOTA është e ardhmja e FËMIJËVE të tu!

VOTA është e ardhmja e familjes, fshatit, qytetit dhe POPULLIT tënd!

Andaj voto drejtë, saktë, me sinqeritet, me urtësi dhe me maturi për fitoren e vendit dhe familjes sate. Voto që vendi i yt të ecë me vendet e përparuar dhe moderne. Voto!