Xherdan Shaqiri mund të largohet nga Bayerni

Bayern Munich duket se po i bën gati valixhet Xherdan Shaqirit, pasi dëshiron ta shesë atë. E ardhmja e Xherdan Shaqirit duket larg Bayern Munich, pavarësisht paraqitjeve pozitive në Botërorin e Brazilit, ai pritet të largohet nga skuadra bavareze.

Tribalfootball njofton se krerët e Bayernit nuk e shohin në planet e tyre futbollistin nga Kosova për sezonin e ri.

Ndërkohë, edhe vetë Shaqiri kohë më parë paralajmëroi largimin e tij nga Allianz Arena.
“Është e qartë se unë nuk dua që kjo të vazhdojë kështu. Nëse gjërat nuk ndryshojnë, unë duhet të bëj diçka për t’i ndryshuar ato”, ishte shprehur Xherdani më parë.

Roma, Liverpooli, Chelsea e Juventusi janë vetëm disa nga skuadrat prestigjioze që kanë shprehur interesim për Shaqirin.