Xhenierët e FSK-së u lavdëruan nga gjeneral Haumman për suksese në realizim të projekteve

Komandanti i Brigadës për Mbështetje Operacionale(BMO), kolonel Muharrem Rrahmani në ambientet e Kazermës ,,Adem Jashari’’ priti në një vizitë drejtorin e Ekipit Ndërlidhës këshillues të NATO-s(NLAT), gjeneral brigade Werner Haumman.

Kolonel Rrahmani u shpreh i lumtur për vizitën dhe vlerësimin që gjenerali Haumman dhe ekipi i tij kanë shpreh në vazhdimësi për projektet dhe operacionet të cilat i ka zhvilluar Brigada për Mbështetje Operacionale dhe njësitë e saj vartëse.

Nga ana e tij drejtori i NLAT-it, gjeneral brigade Werner Haumman u shpreh se qëllimi i vizitës së tij në Komandën e Brigadës për Mbështetje Operacionale është dëshira për të falënderuar stafin e Brigadës dhe pjesëtarët të cilët në vazhdimësi po japin kontributin e tyre në ndihmë komunitetit në të gjitha lokalitetet e Kosovës pa dallim.

Gjeneral Haumman me këtë rast ai takoi edhe pjesëtarët e Batalionit të Xhenios të cilët punuan në projektin humanitar për ndërtimin e urës në Manastirin e Deçanit, ku i falënderoj për punën dhe përkushtimin e tyre për t`u dal në ndihmë të gjithë qytetarëve.

Në takimi ishin të pranishëm edhe këshilltarja e gjeneralit Haumman njëherit dhe kordinatore e projektit, toger Sandra Pavic Harder, rreshtermajori i Brigadës së Mbështetjes Operacionale Besim Berisha si dhe pjesëtaret e Batalionit të Xhenios të cilët morën pjese në realizimin e projektit punues të urës në Manastirin e Deçanit,

Pjesëtarët u ndanë të kënaqur nga kjo vizitë duke e falënderuar shefin e NLAT gjeneralbrigade Haumman dhe ekipin e tij për motivimin dhe mbështetjen e dhënë ndaj pjesëtarëve të Batalionit të Xhenios dhe bashkëpunimin e shkëlqyer gjatë realizimit të këtij projekti .