Xhelili: Rritja e pensioneve për veteranët, lejimi për të vazhduar punën pa ndalje të pensionit, janë zgjidhje konkrete që ofron PDK-ja

Selver Xhelili, kandidat i PDK-së për deputet në Kuvendin e Kosovës.

Takimi me përfaqësuesit e Organizatës së Veteranëve të Luftës së UÇK-së në Gjilan, na krijoi një mundësi të mirë edhe për të ndarë programin e PDK-së për veteranët, invalidët e luftës, familjet e dëshmorëve, edhe për të dëgjuar sfidat e tyre.

Ne shprehëm bindjen se, rritja e pensioneve për veteranët, lejimi për të vazhduar punën pa ndalje të pensionit, janë zgjidhje konkrete që ofron PDK-ja dhe kryeministri i ardhshëm Bedri Hamza, që sadopak do t’ua lehtësonte shportën familjare.

Sidoqoftë, kategoritë që përfaqësojnë këto organizata, duhen të mbrohen e ndihmohen nga shteti, nga çdo subjekt politik, pasi UÇK-ja është një nga tregimet më të suksesshme në botë për çlirimin, lirinë, demokracinë dhe pavarësinë e Kosovës.

Falënderoj OVL-në – Degën në Gjilan, për mikpritjen e shkëlqyer.