Xhaka: Jam shumë i lidhur me Kosovën, optimist për Kosovën në Evropian

Si shumë mërgimtarë edhe futbollistët kosovarë kudo nëpër botë kanë vendosur që një pjesë të pushimeve verore ta kalojnë në Kosovë.

Një nga ta është edhe ylli i Arsenalit, Granit Xhaka, i cili mbrëmë ishte pjesë e ndeshjes bamirëse që u zhvillua në “Fadil Vokrri” ndaj ekipit me kapiten Milot Rashicën, e që përfundoi 4:4.

Futbollisti kosovar ka thënë se është shumë i lidhur me Kosovën dhe se është krenarë me rezultatet e Përfaqësueses.

“Pushimet gjithmonë i bëj në Kosovë. Kam shumë shoqëri këtu, knaqem dhe më pas kthehem në klub e kombëtare. Jam krenar me djemtë e Kosovës. Ata kanë pozitë dhe shanse të mira për kualifikim në Evropian. Shpresoj se mund t’i shoh atje. Një ditë ndoshta mund të luaj ndaj Kosovës. Do të ishte ndjenjë e veçantë, por e kemi detyrë dhe le të fitojë më i miri. Ka qenë e vështirë të luaj ndaj Shqipërisë, sidomos kundër vëllaut” ka thënë Xhaka.