Xhaka dhe Rashica nesër në Prishtinë, detaje rreth ndeshjes

Xhaka dhe Rashica nesër në Prishtinë, detaje rreth ndeshjes

Të shtunën, më 15 qershor, në orën 20:00 ekipet e Xhakës dhe Rashicës do të zbresin në “Fadil Vokrri”.

Yjet e futbollit shqiptar, Granit Xhaka dhe Milot Rashica do të krijojnë nga një skuadër me shokët e tyre për t’u përballur me njëri-tjetrin dhe për të dhuruar spektakël për futbolldashësit në Kosovë.

Tashmë janë zbuluar edhe trajnerët që do t’i drejtojnë këto skuadra. Ismet Munishi e Afrim Tovërlani do të jenë trajnerët e ekipeve.

Kjo ndeshje është organizuar dhe mbështetet nga Federata e Futbollit e Kosovës dhe Komuna e Prishtinës.

Biletat për tribunat Jug dhe Veri do të jenë falas, derisa biletat për tribunën lindore kushtojnë 2 euro, kurse ato për tribunën perëndimore 3 euro.

Të gjitha të hyrat nga shitja e biletave do t’u ndahen 10 familjeve në nevojë.

KOMENTE