Williamson pritet t’i mbyll hetimet kah fundi i qershorit

Prokurori i Task Forcës Speciale, Clint Williamson pritet t’i mbyllë hetimet e tij në pjesën e dytë të qershorit. Megjithatë, detajet e akuzave do të mësohen tek pasi ato të ngrihen në Gjykatën Speciale që pritet të jetë e gatshme në fillim të vitit 2015.

Aktakuzat nga hetimet për raportin e Dick Martyt, mund të ngritën tek në fillim të vitit të ardhshëm, kanë bërë të ditura burime të gazetës Tribuna.

Sipas të njëjtave burime, Gjykata Speciale që do t’i trajtojë këto aktakuza, nuk pritet të jetë e gatshme deri në fillim të vitit të ardhshëm për shkak të procedurave që kanë mbetur ende pa u kryer për funksionalizimin e saj.