VV-Norvegji: Reagim ndaj dhunës policore dhe arrestimeve më 28 nëntor

Qendra e Lëvizjes VETËVENDOSJE! në Norvegji reagon ashpër ndaj dhunës së egër policore ndaj mbi 100 aktivistëve dhe arrestimit të tyre, ndër ta edhe aktivistin e deputetin Albin Kurti.

Kjo qeveri e korruptuar totalitare e ka shndërruar Republikën në shtet policor, çka u dëshmua sërish me ndërhyrjen e dhunshme të mbi 1500 policëve të armatosur rende, në zyrat e Lëvizjes VETËVEVENDOSJE!, me qëllim të shtypjes së zërit opozitar.

Ne si qytetar të një shteti demokratik si Norvegjia i shohim me indinjatë të thellë veprimet e egra të Qeverisë përmes policisë. Këto ndërhyrje të dhunshme janë të motivuara politikisht, dhe shkelin të drejtat më elementare njerëzore dhe parimet demokratike.

Kjo Qeveri e korruptuar megjithatë nuk e ka gjatë! Sovrani do të kërkojë përgjegjësi! Republika e kapur nga kriminelët shumë shpejt do t’i rikthehet sovranit!