VV: Një vjet qeverisje Mustafa-Thaçi: Kapje e shtetit, kompromise ndaj Serbisë, skandale dhe dështime

Sot, Lëvizja Vetëvendosje organizoi konferencë për medie në lidhje me 1 vjetorin e Qeverisë LDK-PDK-Lista Srpska. Kryetari i Vetëvendsjes, Visar Ymeri, në këtë konferencë ndër të tjera tregoi se si prioritet e kësaj qeverie kanë qenë:
– Marrëveshjet me Serbinë si ajo e 10 shkurtit që e ndan Drejtësinë në baza etnike,
– Marrëveshjet e 25 gushtit që kërkojnë ndarjen etnike përmes Zajednicës,
– Formalizimin e ndërhyrjes së Serbisë në rrjetin tonë energjitik,
– Legalizimin e ndërhyrjes ilegale në tregun e telekomunikimeve,
– Betonimin e ndarjes së Mitrovicës me pretekstin e “hapjes së urës” e cila siç e dini vijon të jetë e bllokuar.

Ndërsa, ato që nuk kanë qenë fare prioritete janë:
– Formimi i Forcave të Armatosura të Kosovës,
– Forcimi i sistemit të drejtësisë,
– Ngritja e fondit për sigurimet shëndetësore për qytetarët tanë,
– Financimi adekuat i arsimit e shëndetësisë apo bujqësisë.

Në anën tjetër, deputeti i Vetëvendpsjes, Besnik Bislimi, foli për pjesën ekonomike të qeverisjes Mustafa-Thaçi gjatë këtij viti. “Nëse i shohim alokimet e këtij viti nuk ka ndonjë dallim me ato të vitit të kaluar. Nuk shohim ndonjë riorientim por janë vetëm vazhdim i politikave të qeverisë Thaçi 2. Edhe projekt buxheti i vitit 2016 po miratohet pa asnjë ndryshim me vitin paraprak. I vetmi ndryshim është rritja e të punësuarve prej 1 përqind në sektorin publik – rehatimi i militantëve partiakë – dhe rritja e subvencioneve, pensioneve bazë e të tjera që nënkupton blerjen e paqes sociale”, tha Bislimi.