Vushtrria ankohet në FFK, për referimin në ndeshjen ndaj Dritës

Sfida e parë e xhiros së 19-të mes Vushtrrse dhe Dritës kaloi me tensione, ndeshje që u fitua në fund nga gjilanasit me rezultat 2:3.

Kryetari i Vushtrrisë, Bajrush Kajtazi u ankua pas ndeshjes, duke thënë se referimi nuk ka qenë në nivel. Akuza pati edhe trajneri i Vushtrrisë, Fitim Llapashtica.

Vushtrria pretendon se një gol i realizuar nga Drilon Fazliu u anulua pa të drejtë.

Kryetari Kajtazi njofton se të hënën do të dorëzohet në FFK një ankesë për referimin e ndeshjes në fjalë.

Drejtësinë në ndeshjen Vushtrria – Drita e ka ndarë gjyqtari më i mirë në Kosovë, Genc Nuza.

Drita e fitoi këtë ndeshje me rezultat 2:3.