Vullneti për një propozim sfidues por të domosdoshëm

(2L ONLINE) – (Gjithmonë me shpresën se fara e mbjellë sot, mjafton të lulëzoj tash njëqind vjet). E di (edhe Unë) se nuk është e lehtë, por nuk është e pamundur!

Kohët e fundit është vënë re se në gjitha cepet e Atdheut tonë duken shushuritje shpirtliga të fqinjëve, “miqve”, tanë, duke na ofruar “ndihma” përmes disa mjekroshëve llojesh të ndryshme e me qëllime të njëjta grykësie. Asimilimi e pushtimi, si nga anë e Greqisë me Janullatosin-mjekrosh në jugun e Shqipërisë, e po ashtu edhe vehabistët-mjekroshë, nga anët e ndryshme të Arabisë në verilindjen e Shqipërisë-Kosovë. Të dyja këto “dhurata” të pista vijnë nën patronatin ideorë të Serbisë.

Shkruan: Gani NEZIRI

Pra, që tu dalim pararoje cepeve të Atdheut tonë të dashur, në mbrojtje të vlerës së shenjt kombëtare, (kështu si na krijoj ZOTI YNË), kujtoj se, Akademitë e Arteve dhe Shkencave të Shqipërisë, të Kosovës e të Maqedonisë, të u drejtohen Kuvendit të Shqipërisë e Kuvendit të Kosovës me një kërkesë të përpiluar bashkërisht, me temë: SHPALLJEN ZYRTARE, TË VENDEVE TË SHENJËTA NË ATDHEUN TONË TË DASHUR E TË GJËRË ME VLERË TË VEÇANTË KOMBËTARE E FETARE.

Nuk është e lehtë, por nuk është e pamundur! Atë ditë që do mbjellim farën, mjafton që në përvjetorin e njëqind të jap frytin!

Me qëllim të nxitjes për debat fillestarë, do të marr guximin sfidues që të jap dy propozime vendesh me vlera të veçanta historike. Gjithsesi në mesin e shumë e shumë të tjerave që i ka vendi ynë.

1. KRUJA

Kalaja e Krujës, aty ku i madhi Gjergj Kastrioti-Skënderbeu, forcojë krenarinë kombëtare duke rezistuar fuqishëm kundër një perandorie të fortë pushtuese. I lindur si Katolik, i rritur si Mysliman dhe i Kurorëzuar si Ortodoks, përfshinë Tri besimet fetare që aktualisht i kemi Kombi Ynë, (edhe pse, ZOTI nuk i zgjodhi për Ne, por na i dhanë me dhunë ata që na pushtuan sipas radhës).

2. PREKAZI

Kullat dhe varret e familjes të të madhit Adem Jashari i cili Rizgjoi krenarinë kombëtare (shumë vite të përbuzur e të nëpërkëmbur e me rrezik permanent të fjetjes së përhershme në formën e asimilimit të shqiptarëve në rrethinat e Novi Pazarit dhe të arvanitasëve në tokat e veta në Çamëri, tani nën administrimin e shtetit grek).

Kujtoj me të drejtë se, për shqiptarët kudo që janë, të të gjitha religjioneve që kemi brenda nesh; njëra mund të jetë Meka e tjera Medina, respektivisht, njëra është Vatikani e tjetra është Athina.

Kështu që, vullneti I porosisë time do të ishte kështu:
Gjithë Shqiptarët kudo që janë,
Të Krishterë e Mysliman,
Cilindo besim që të kenë,
Në vende të shenjta bashkë të jenë.

Uroj PERENDINË-ZOTIN TONË, që prej tani e tutje, që po shkruaj këto vargje publike, të gjitha pelegrinazhet shqiptare kudo që ndodhen në globin tokësorë, të mos shkojnë më kurrë dhe as kurrën e kurrës në vende të huaja të shenjta.

As në Meke, as në Medinë, as në Vatikan e as në Athinë, por të vijnë në KALANË E KRUJËS të kryeheroit Gjergj Kastrioti-Skënderbeu dhe në PREKAZ, në shenjtërinë e KULLAVE të të madhit Adem Jashari.

Këtu do të dimë të lutemi i madh e i vogël, djem edhe vajza, pleq edhe plaka. Këtu, të rinjtë e të rejat do të mund të njiheshin, të dashuroheshin e të kurorëzoheshin. Këtu, do të mund të lutemi gjithë shqiptarët e gjitha regjioneve e të gjitha religjioneve, gjitha dialekteve e të gjitha subjekteve, student e profesor, ushtarë e ushtarak, ministra e deputet.

Këtu, do të duhej ta bënin betimin Shqip; Presidenti shtetit, Kryekuvendari e Kryeministri.

TË LUTEMI NË GJUHËN E NËNËS, NË GJUHËN SHQIPE, NË GJUHËN QË ZOTI YNË E ZGJODHI PËR NE.
Predikimin vjetor tradicional, do ta bëj Kryeministri i shtetit, gjithmonë nën hijen e Presidentit simbolik të shtetit. /2L ONLINE/