Vrasje në Gjilan, arrestohen dy të dyshuar (e plotësuar)

Vrasje në Gjilan, arrestohen dy të dyshuar (e plotësuar)

(E plotësuar) –  Policia e Kosovës në Gjilan përmes telefonit ka pranuar një informatë për një rast “Vrasje”. Pas pranimit të informatës njësitet e stacionit policor të Gjilanit dhe  Hetimeve rajonale  i kanë ndërmarr të gjitha veprimet primare për zbardhjen e këtij rasti, si dhe menjëherë është njoftuar dhe prokurori i shtetit.

Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se në vendin e ngjarjes krim teknika ka bërë procedimin e vendit të ngjarjes, si dhe janë ndërmarr masa  rreth  mbledhjes së  informacioneve lidhur me incidentin. Në vendin e ngjarjes ka dalë mjeku kujdestar dhe fatkeqësisht vetëm ka mundur ta konstatoj se viktima A.N.(1994), ka qenë pa shenja jete, dyshohet nga shkrepja e armës së zjarrit.

“Policia ka arritur që ti arrestoj dy të dyshuarit shqiptar shtetas të Kosovës banor rezident të fshatit Verbicë e Zhegocit B.N. (1971), si dhe A.N.(2002) ata janë sjellë në stacion policor, ku janë intervistuar në prani të avokatëve mbrojtës, po ashtu në vendin e ngjarjes është konfiskuar një pushkë e gjuetisë me të cilën dyshohet se është kryer vrasja, arma  është konfiskuar në cilësi të provës materiale”, ka thënë Hashani.

Sipas tij, janë identifikuar disa dëshmitar okular, të cilët po ashtu janë intervistuar nga ana e hetuesve policor, kurse në ndërkohë në vend ngjarje ka ardhur  prokurori i shtetit dhe  IML-ja të cilët me urdhër të prokurorit të shtetit, trupin e pa jetë të viktimës e kanë  dërguar për autopsi.

“Ndaj dy të dyshuarve nga ana e prokurorit të shtetit është lëshuar aktvendimi mbi ndalim prej 24 orëve për të dyshuarin kryesor  të miturin A.N.(2002),  si dhe 48 orëve  për të dyshuarin tjetër. Dyshohet se kësaj ngjarje të rëndë ti kenë parapri mosmarrëveshjet dhe motivet e ulëta që kanë pasur në mes vete viktima dhe të dyshuarit.  Hetimet rreth këtij rasti të rëndë janë  në vazhdim”, ka thënë Ismet Hashani, zëdhënës i Policisë së Kosovës (PK), në Drejtorinë Rajonale në Gjilan.

 

***

Autoritetet policore kanë bërë me dije se në Gjilan, më 19 gusht, janë arrestuar dy të dyshuar, meshkuj K/Shqiptar, pasi që pas një mosmarrëveshje, njëri prej tyre ka qëlluar me armë zjarri viktimën mashkull K/Shqiptar duke i shkaktuar lëndime vdekjeprurës.

“Në vendin e ngjarje kanë dalë njësit përkatëse dhe ekipi mjekësor i cili ka konstatuar vdekjen e viktimës, ndërsa si provë materiale është gjetur dhe konfiskuar një pushkë gjuetie e cila dyshohet të jetë përdorur në rast.

Me vendim të prokurorit dy të dyshuarit janë dërguar në mbajtje ndërsa trupi i pajetë është dërguar në IML për obduksion.

KOMENTE