Votohen rekomandimet për zbardhjen e fatit të Ukshin Hotit

Rekomandimet e dala nga Kuvendi i Kosovës ditën e djeshme për Ukshin Hotin, do të vazhdojnë edhe sot në seancën plenare të radhës. Sipas një peticioni për të cilin u fol dje, do të kërkohet nga Qeveria e Kosovës që për gjashtë muaj të arrijë të paraqesë në bisedimet Kosovë-Serbi zbardhjen e fatit të personave të pagjetur.

Rekomandimi i dytë është që Qeveria e Kosovës të sigurojë fonde për funksionalizimin e mekanizmave përkatës profesional, për arritjen e identifikimit të mbetjeve mortore.

Rekomandimi i tretë është që gjatë takimeve me përfaqësuesit e OKB-së, BE-së dhe shteteve të tjera me ndikim, të kërkohet që në mënyrë të veçantë të ndihmojnë në zbardhjen e fatit të të pagjeturve.

Gjithashtu, është kërkuar që të zbardhet sa më shpejt fati i Ukshin Hotit, i cili është zhdukur në një mënyrë misterioze nga drejtori i burgut të Dubravës./Indeksonline/