Deputet i PDK-së, Zenun Pajaziti ka thënë se votoi për themelimin e Gjykatës Speciale pa presionin e askujt. Sipas tij, votimi nuk ishte i lehtë, por i paalternativë. Pajaziti nënvizoi se deri në momentet e fundit kur po mbahej seanca e të hënës nuk kanë qenë të sigurt nëse i kanë votat e mjaftueshme për ta aprovuar procesin e ndryshimeve kushtetuese.
Anëtari i Kryesisë së PDK-së, paraqiti edhe dilemat, siç i kanë pasur të gjithë deputetët e subjektit të tij për mënyrën se a do të mund të jetë objektive Gjykata Speciale duke i marr në konsideratë dyshimet se Serbia ka qenë mjaft aktive në përpunim të pasaktë të rasteve të krimeve të ndryshme.
Megjithatë, Pajaziti theksoi se deputetët nuk kanë pasur zgjidhje tjetër, po të konfirmojnë partneritetin me SHBA dhe BE.