Volejbollistja Venera Kadriu vizitoi nxënësit e SHFMU “Mulla Idris Gjilani”

“Vizitë në shkollë, nga një volejbolliste, e kalibrit ndërkontinental. Nxënësit e shkollës sonë, patën rastin të dëgjojnë këshilla nga volejbollistja profesioniste, Venera Kadriu”, thuhet në njoftimin e SHFMU “Mulla Idris Gjilani”, në Velekincë të Gjilanit. 

Karriera e saj e bujshme si, ish lojtare e Klubit të Volejbollit “Drita”, pastaj pjesë e Kombëtares së Kosovës në Volejboll, pastaj si lojtare profesioniste (për 5 vite radhazi) në SHBA, e së fundmi edhe si lojtare e Klubit të Volejbollit “Volley Luzern NLB” – në Luzern të Zvicrës,

“Venera Kadriu mbajti këshilla profesionale për tre orë rresht me nxënësit e shkollës, e mbi të gjitha, u tregoj për rrugën e gjatë, drejt suksesit. Si shkollë, e falënderojmë shumë Venerën, për këshillat dhe kohën e saj, që ndau për Ne, sepse vizitat e këtilla vërtetë, sjellin freski dhe motiv tek nxënësit”, thuhet tutje në njoftimin e shkollës.

Gjithashtu, drejtuesit e kësaj shkolle kanë falënderuar edhe arsimtarin e lëndës së Edukatës Fizike, Gyltekin Selimi, i cili u kujdes dhe organizoi këtë takim/vizitë. /2LONLINE/