Volejbollistja kanadeze Biamba Kabengele bëhet pjesë e skuadrës “bardh e kaltër”

KV Drita – Femrat vazhdon me vendosmëri ndërtimin e skuadrës për sezonin e ri, duke zyrtarizuar edhe përforcimin e radhës ndërkombëtar. Fjala është për lojtaren kanadeze Biamba Kabengele, e cila sjell në Gjilan një kombinim të vlefshëm përvoje dhe cilësie, pas aktivizimit të saj në volejbollin universitar amerikan (SHBA) si dhe në Superligën e Francës”, thuhet në njoftimin e klubit.

Biamba Kabengele është një lojtare me potencial të lartë, prezencë fizike, disiplinë taktike dhe mentalitet garues, e gatshme të kontribuojë maksimalisht për objektivat e klubit.

“Presidenti i klubit, Idriz Berisha, po vazhdon të ndërtojë një skuadër të fortë dhe të balancuar, duke sjellë përforcime cilësore me eksperiencë ndërkombëtare, me synim të qartë: ta rikthejë KV Dritën aty ku e ka vendin”, thuhet tutje në njoftim.

Sipas drejtuesve të klubit, me afrimin e Biamba Kabengele,  KV Drita tregon edhe një herë se nuk ndërton për pjesëmarrje, por për stabilitet, konkurrencë dhe fitore në çdo ndeshje.  /2LONLINE/