Volejbollisti Diar Buzuku pjesë e KV Drita
“Kemi kënaqësinë të ju njoftojmë se kemi arritur marrëveshje bashkëpunimi me talentin e ri nga Lipjani, Diar Buzuku”, thuhet në njoftimin zyrtar të Klubit të Volejbollit Drita nga Gjilani.
17-vjeçari, i cili sezonin e fundit ishte pjesë e kampionit aktual KV Ferizaj, vjen te Drita për të forcuar repartin e qendrës me energjinë, talentin dhe potencialin e tij të madh.
“Diar Buzuku bashkohet me KV Drita me synime të mëdha dhe ambicie të qarta për të arritur suksese të reja së bashku me klubin tonë. Mirë se vjen Diar, suksese me fanellën bardh e kaltër”, thuhet në fund të njoftimit. /2LONLINE/