Vokli Laroshi do ta ruaj portën e Gjilanit

Sport Club Gjilani ka bërë të ditur se ka arritur marrëveshje për transferimin e portierit Vokli Laroshi.

Gardiani 23 vjeçar nga Tirana ka nënshkruar një kontratë që do ta mbajë pjesë të klubit gjilanas deri në verën e vitit 2027.

Laroshi vjen nga klubi i Llapit në Kosovë, derisa karrierë ka bërë edhe te ekipi i Partizanit nga Tirana në Kategorinë Superiore. Gjithashtu, ai ka qenë edhe pjesë e grumbullimit të ekipi kombëtar të Shqipërisë U21.

“Ai i është bashkuar menjëherë ekipit në seancat stërvitore, duke u vënë në dispozicion të stafit teknik. Duke falënderuar Voklin për besimin, të gjithë në Sport Club Gjilani i urojnë suksese në zgjedhjen e bërë”, thuhet në njoftimin zyrtar të klubit. /2LONLINE/