Vllaznia e Pozheranet transferon portierin nga Vushtrria

Vllaznia do të ketë një ‘mision’ mjaft të vështirë në stinorin pranveror të kampionatit, derisa synon mbijtesën.

Klubi nga Pozherani ka angazhuar Erdin Hashanin në krye të shtabit teknik, i cili e ka filluar menjëherë punën e tij, madje duke afruar edhe lojtarët e parë në skuadër.

Derisa, pritet të ketë edhe transferime të tjera, portieri vushtrrias Petrit Tahiri do ta vazhdojë karrierën te Vllaznia e Pozharanit. Pasi u nda me Vushtrrinë ditë më parë, ai ka gjetur menjëherë skuadër të re, të cilën e ka bërë të ditur përmes rrjeteve sociale.

Vllaznia e mbylli vjeshtën në pozitën e 14-të të renditjes tabelare me 16 pikë të tubuara.