Vlerësohet lartë puna e Prokurorisë Themelore në Gjilan

/2L ONLINE/ – Në Prokurorinë Themelore në Gjilan dhe në Zyren e Kryeprokurorit Jetish Maloku, ishte në vizite zyrtare Kryeprokurori i shtetit shqiptar Adriatik Llalla i shoqëruar nga Kryeprokurori i shtetit të Republikës së Kosovës Aleksandër Lumezi, me bashkëpunëtorë,
Sipas malokut, u vlerësua lart puna dhe efikasiteti i Prokurorisë Themelore në Gjilan në ndërtimin e sigurisë dhe qetësisë në këtë pjesë të Anamoravës si model për liri dhe qetësi absolute për të gjithë qytetarët pavarësisht kush është, në çka beson dhe cilit nacionalitet i takon.

Maloku ka thënë se është vlerësuar lartë puna e kësaj prokurorie si model i përgjegjësisë dhe barazisë për të gjithë ata që shkelin ligjin dhe cenojnë vlerat e një shoqërie demokratike. Gjithashtu, si prokuroria më e mirë dhe me efikasitet më të lartë në lufte kundër krimit të organizuar dhe korrupsionit. Si model edhe për regjionet tjera, i tillë në luftën kundër dukurive negative. e pse jo edhe si model në shtetin shqiptar, që duhet të aplikohet si provë për sukses në luftën kundër krimit dhe atakimit të sigurisë së qytetarit tonë.

Po ashtu u çmua lart periudha kohore mbi dy vjeçare në këtë regjion ku nuk ka pasur vrasje të dhunshme e të rëndë që lakmohet edhe nga shtetet me demokraci shumë të zhvilluar.

Në fund dy kryeprokurorët Llalla e Lumezi pranuan nga një dhuratë si shenjë mirënjohëse nga Kryeprokurori i kësaj Prokurorie, Jetish Maloku, për kontributin dhe vizitën e bërë në qytetin e Gjilanit pikërisht me portretin e këtij qyteti. /2L ONLINE/