Vlera e fitores së sotme për Gjilanin tejet e madhe për ta synuar Evropën, vetëm 1 pikë dallim me pozitën e tretë

Ndonëse skuadrat tjera të Superligës duke i përfshirë edhe vet ato në krye të tabelës që luftojnë për titull kampioni, po kanë telashe në Ferizaj, skuadër kjo që si vendëse shpërfaqet e rrezikshme, duket se skuadra e Gjilanit, për dallim nga të tjerët, e ka gjetur formulën e duhur.

Skuadra e Gjilanit ka dalë triumfuese nga ky terren edhe në ndeshjen e sotme, pasi ka mposhtur Ferizajn me rezultat (1:2), duke vazhduar kështu rezultatet pozitive karshi kësaj skuadre.

Për më tepër, vlera e fitores së sotme për skuadrën “kuq e bardh” është tejet e madhe, pasi edhe Malisheva mundi Prishtinën, e Llapi ishte më i mirë se Ballkani duke bërë që Gjilani tani të jetë vetëm 1 pikë diferencë nga pozita e tretë, që dërgon në garat evropiane.

Aktualisht, Drita është e para në tabelë me 42 pikë, Ballkani i dyti me 39, Prishtina e treta e Malisheva e katërta kanë nga 37 pikë, derisa Gjilani i pesti ka 36 pikë, e pas tij është Dukagjini me 33 pikë e kështu me radhë.

Tani, Gjilanit i mbetet që këtë hap të mos humb dhe të vazhdojë tutje me inkasim të pikëve të reja nga çdo ndeshje dhe Evropa është në horizont. /2LONLINE/