2L ONLINE) – Vjeshta Letrare e Gjilanit sot i përmbyll veprimtaritë e këtij Edicioni, duke i prezentuar veprat më të reja të shkrimtarit Rrahim Sadiku, të cilat i botoi këtë vit përmes Shtëpisë Botuese “Beqir Musliu”.
Duke folur për veprimtaritë letrare të këtij edicioni, Sabit Rrustemi, drejtues i Ars Club “Beqir Musliu”, ka rikujtuar veprimtaritë letrare të këtij edicioni.
Edicioni i pestë i Manifestimit tash tradicional, “Vjeshta letrare e Gjilanit”, këtë vit filloi rrugëtimin dymujor me 11 Tetor 2014, në Galerinë e Arteve, me prezentimin e 16 titujve të rij të këtij viti si dhe me paraqitjen e autorëve të pranishëm, para artdashësve dhe shumë krijuesve.
Më 18 tetor 2014, prezentoi portretin letrar të poetit gjilanas që jeton dhe vepron në Zvicër, Bujar Salihut, në sallën e KK të Gjilanit.
Gjatë datave 23 – 25 Tetor 2014, në kuadër të Panairit të Librit, organizoi “Orën e Shkrimtarëve”, ku para pjesmarrësve të shumtë të Panairit u paraqiten 12 shkrimtarë.
Më 24 Tetor 2014 prezentoi portretin letrar të studiesit të letërsisë dhe poetit Bajram Kosumi, në Sallën e KK të Gjilanit.
Më 25 Tetor 2014, në ditën përmbyllëse të Panairit, prezentoi figurën e humanistit, veprimtarit dhe intelektualit të shquar, Don Lush Gjergjit, në bashkëpunim me Bibliotekën e Qytetit, në Sallën e KK të Gjilanit.
Më 1 Nëntor 2014, prezentoi portretin letrar të shkrimtarit Prend Buzhala, në Sallën e KK të Gjilanit.
Më 8 Nëntor 2014, prezentoi portretin letrar të studieses dhe poetes nga Tetova, Zejnepe Alili – Rexhepi.
Më 6 Dhjetor 2014, prezentoi protretin letrar të shkrimtarit dhe publicisitit nga Kukësi, Petrit Palushi, në Sallën e KK të GJilanit.
Ndërsa sot, më 13 Dhjetor, i përmbyllë veprimtaritë e këtij Edicioni, duke i prezentuar veprat më të reja të shkrimtarit Rrahim Sadiku, të cilat i botoi këtë vit përmes Shtëpisë Botuese “Beqir Musliu”. /2L ONLINE/