“Vjeshta Letrare…” do të nis me përurimin e librit “Vlerësime dhe opinione”

/2L ONLINE/ – “Vjeshta Letrare e Gjilanit” për vitin 2016, nis me një përurim libri. Të Shtunën me 15 tetor, në ora 12:00, në ambientet e Restaurant “Bujana” në Gjilan, përurohet libri publiicisitik i historianit, publicistit dhe veprimtarit poliitik, Izmi Zeka, “Vlerësime dhe opinione”, libri i tij i katërt me radhë, i botuar përmes Shtëpisë Botuese “Beqir Musliu”

Po sjellim me këtë rast, një vlerësim të shkurtër të redaktorit të këtij libri, Nexhat Rexhës.

***

Libri “ Vlerësime dhe opinione”, në tërësinë e shtjellimit ka artikulime në tri kohë. Ato bartin ndërgjegjen e të kaluarës që shpërndajnë mesazhin më të arsyeshëm, sepse sakrifica,largpamësia e ideologëve në parashtrimin e ideve të tyre në të gjitha fazat e jetës i ka dhënë mesazhin më të mirë për historinë e njerëzimin.

Pastaj në pjesën “Për mesazhet dhe integrimet”,shtjellohen tema të komplikuara, të cilat të rikujtojnë vlimet e gjata e të dhembshme nëpër kohë. Këtu autori sugjeron dhe qorton faktorin politik të sotëm në rrugëtimin e shtetit të ri të Kosovës.

Në dy kapitujt e fundit, mesazhet janë të qarta e të prekshme. Izmi Zeka me përgjegjësi ka prekur realitetin e ditëve tona. Këto parashtime kanë peshën e vet sepse fjala thuhet në kohën e duhur.

Konsideroj , se trajtimet në libër kanë shtjellim të mjaftueshëm, ato aktualizojnë pjesë të historisë sonë. Vetë lëvizja e lirë nëpër shtete të Evropës për qytetarët e Kosovës, saktëson mungesën e demokracisë. Kjo barrë është trashëgimi e periudhës së totalitarizmit e që pasojat e kësaj kohe edhe më tej po i bartin qytetarët e Kosvës mbi supet e tyre. Autori me vëmendje ka paraqitur këto rrjedha, sa historike aq d dhe aktuale, duke i dhënë librit qartësi shkencore, si dhe ka arritur me sukses t`i afrojë lexuesit njohje të reja në problematikën e shtruar në libër. /2L ONLINE/