Ministri i Jashtëm në detyrë, Petrit Selimi, në këtë intervistë për “Epokën e re” ka folur për situatën rreth vizitave të zyrtarëve serbë në Kosovë. Selimi mendon se Qeveria duhet t’i qartësojë rregullat e këtyre vizitave, duke e shtruar si çështje edhe në Bruksel. Ai i ka bërë thirrje edhe Prokurorisë së Shtetit që të iniciojë rastet për krime të luftës.
Po ashtu, Selimi ka pohuar se Enver Hoxhaj është personi me adekuat për postin e ministrit të Jashtëm. Duke folur për nismat e tij “Gërmia Hill” dhe “Dialogu ndërfetar”, ai ka thënë se tashme këto nisma janë bërë nisma qeveritare.
Selimi ka hedhur poshtë pohimet e opozitës se inaugurimi i presidentit ishte bojkot ndërkombëtar, duke i quajtur këto pohime si “deklarata hejterash”.
Ministri i Jashtëm në detyrë, i cili ka qenë anëtar i Komisionit Shtetëror për Lirinë Fetare, ka shprehur përkrahje të madhe për nismën e kryeministrit të Shqipërisë, Edi Rama, për ta futur mësimin mbi fe në shkolla.