Vizita e kongresmenëve amerikan në Luginë sinjal i fuqishëm për mbështetjen e shqiptarëve

Nga: Kushtrim Kadriu

Vizita e kongresmenëve amerikanë Keith Self dhe Suhas Subramanyam në Luginën e Preshevës është një sinjal i qartë se çështja e të drejtave të shqiptarëve në Kosovën Lindore vazhdon të tërheqë vëmendjen e partnerëve ndërkombëtarë. Kjo vizitë përbën një moment të rëndësishëm, edhe pse nuk është hera e parë që përfaqësues amerikanë të këtij niveli vizitojnë rajonin. Edhe në të kaluarën ka pasur vizita të ngjashme, të cilat kanë kontribuar në ndërkombëtarizimin e pozitës dhe sfidave me të cilat përballen shqiptarët në Luginën e Preshevës.

Kjo vizitë është gjithashtu rezultat i punës së gjatë dhe të vazhdueshme në fushën e lobimit në Shtetet e Bashkuara të Amerikës, me mbështetjen e lobit shqiptar dhe të shumë miqve amerikanë që kanë ngritur zërin në mbrojtje të të drejtave të shqiptarëve.

Është e rëndësishme që institucionet vendore dhe faktori politik shqiptar të vazhdojnë angazhimin e tyre për mbrojtjen dhe avancimin e të drejtave civile, politike dhe kombëtare të shqiptarëve në Luginën e Preshevës, duke kërkuar trajtim të barabartë, përfaqësim të drejtë institucional dhe respektim të plotë të standardeve ndërkombëtare për të drejtat e njeriut. /2LONLINE/.