Vizatimet e nxënësve për pritoret e Kamenicës merren si bazë për projektimin e tyre

Drejtori i Drejtorisë Komunale të Arsimit në Komunën e Kamenicës, Afrim Dervishi, ka pritur në takim nxënësit e shkollave të fillore të Kamenicës, me të cilët ka diskutuar për idetë e tyre lidhur me pritoret e autobusëve.

Këta nxënës ditë më parë kishin projektuar përmes vizatimeve pritoret e autobusëve në Komunën e Kamenicës.

Drejtori, Afrim Dervishi theksoi se nga të gjitha punimet e tyre janë marrë elemente të veçanta, që do të bëjnë të mundur projektimin e pritoreve.

“Modelet e para u prezantuan para nxënësve nga arkitekti, i cili iu tha nxënësve se ato çfarë ata kanë imagjinuar, do të jenë pjesë përbërëse e projektit, që do të implementohet në terren. Këta nxënës janë burim i lumturisë dhe krenarisë për prindërit e tyre, dhe shpresë për të ardhmen tonë shoqërore”, tha ai. /2LONLINE/