Vitiasit falënderuan NATO-në dhe nderuan viktimat e terrorizmit në Bruksel

/2L ONLINE/ – Udhëheqësit komunal dhe qytetarët e komunës së Vitisë, të shoqëruar edhe nga pjesmarrës të ansambleve e shoqërive nga vise të tjera që po marrin pjesë në Festivalin e Flakadanit, kanë falënderuar popullin amerikan duke kujtuar 17 vjetorin e ndërhyrjes së NATO-së në Kosovë, si dhe kanë nderuar viktimat e sulmeve terroriste në Bruksel dy ditë më parë.
Kryetari i komunës së Vitisë Sokol Haliti, ka thënë se 24 marsi është një ditë e rëndësishme për popullin kosovar. “24 marsi është një ditë e cila ka shënuar një kthesë historike dhe si një pikënisje e ndaljes së gjenocidin serb mbi popullin e pafajshëm kosovarë”, ka thënë në mes tjerash Haliti. Po ashtu, pjesëmarrësit e kësaj ngjarje, me një minutë heshtje nderuan viktimat e sulmit terrorist të Brukselit, ndërkohë që kryetari Haliti ndezi qirinj tek sheshi Richard Hobrook në shenjë solidariteti me popullin belg dhe të gjithë viktimave të tjera të terrorizmit. /2L ONLINE/