Vitiasit dhurojnë gjak

/2L ONLINE/ – Sot në Qendrën Emergjente në Viti, rreth 30 vullnetarë kanë dhuruar gjak. Ky aktivitet është organizuar nga Qendra Kryesore e Mjekësisë Familjare në Viti në bashkëpunim me Qendrën e Transfuzionit të Gjakut dhe është vazhdimësi e aktivitetit të 14 qershorit-Ditës botërore e dhurimit të gjakut pasi që sipas mjekëve shumica e vullnetarëve të më të gjakut ishin duke agjëruar kur është shënuar kjo ditë andaj është vendosur që ajo të vazhdoj për ditën e sotme. Dhuruesit e gjakut i ka vizituar edhe i pari i komunës së Vitisë, Sokol Haliti.

Basri Aliu, Drejtor për Shëndetësi dhe Mirëqenie Sociale në Viti, i ka vizituar dhuruesit e gjakut duke i përgëzuar për humanizmin e tyre. Ai foli edhe për rëndësinë që ka dhurimi i gjakut.

“ Me të vërtetë është shumë e rëndësishëm që qytetarët të dhurojnë gjak, sepse përmes gjakut të cilën ata e dhurojnë ata shpëtojnë jetë e njerëzve dhe nuk thuhet kot se çdo dhurues i gjakut është një hero. Unë i përgëzoj këta heronj për guximin dhe vendosmërinë të ndihmojnë njerëzve të tjerë” u shpreh drejtori Aliu.

Ndërkaq Dr. Vjollca- Kadolli Halili nga Qendra Kryesore e Mjekësisë Familjare tha se krahasuar me vitin e shkuar numri i dhuruesve të gjakut është më i madh.

“Në krahasim me vitin e kaluar sivjet numri i dhuruesve të gjakut është në rritje. Vitin e shkuar rreth 19 persona kanë dhuruar gjak e këtë vit janë mbi 30 persona “ u shpreh Dr. Vjollca-Kadolli Halili.

Ajo tha se QKMF në Viti dhe Bashkësia Islame Dega në Viti janë pajtuar që një aktivitet të tillë për dhurimin e gjakut të organizohet në javën në vijim në Viti. Përndryshe ky aktivitet i dhurimit të gjakut është vazhdimësi e aktivitetit të 14 qershorit-Ditës botërore e dhurimit të gjakut pasi që sipas mjekëve shumica e vullnetarëve të më parëshëm të gjakut ishin duke agjëruar kur është shënuar kjo ditë. Dhuruesit e gjakut i ka vizituar edhe i pari i komunës së Vitisë, Sokol Haliti. /2L ONLINE/