Vitia po kremton Pavarësinë e Republikës së Kosovës

Me rastin e 17 vjetorit të pavarësisë së Republikës së Kosovës, sot në Viti po shënohet kjo ditë me aktivitete të ndryshme të cilat po organizohen nga komuna e Vitisë, konkretisht DKRS.

Me këtë rast fillimisht u mbajt një seancë solemne e Kuvendit komunal që ju kushtohet kësaj dite të rëndësishme historike.

Më pas, përfaqësues të komunës së Vitisë, në krye me kryetarin e komunës së Vitisë, Sokol Halitin, kryesuesin e Kuvendit Komunal, Bekim Azizi, përfaqësues të subjekteve politike, policisë, shëndetësisë dhe të tjerë bënë homazhe dhe u vendosën kurore lulesh në varrezat e dëshmorëve në Viti.

Aktivitet për ndër të 17 shkurtit vazhduan më pas, konkretisht me fillim në ora 11:00 me një koncert festiv në sallën e koncerteve, brenda shtëpisë së Kulturës “ Gursel e Bajram Sylejmani” në Viti.

Po ashtu sot nga ora 11: 00 në këtë vend u bë edhe promovimi i librit “ Çamëria, dhembje kombëtare “ nga autori Nexhmedin Bardhi. Nga ora 12:00 në Sadovinë të Vitisë, u mbajtë ndeshja reviale në mes të SHF “Kosova”-Viti dhe SHF “Kurda”-Prishtinë. /2LONLINE/