Vitia përfituese e projektit të Agjencionit Kadastral të Kosovës për rindërtim të informacioneve kadastrale

Vitia përfituese e projektit të Agjencionit Kadastral të Kosovës për rindërtim të informacioneve kadastrale

Kryetari i komunës së Vitisë Sokol Haliti, ka pritur sot në një takim ushtruesin e detyrës së Kryeshefit Ekzekutiv të Agjencisë Kadastrale të Kosovës, Avni Ahmeti, i shoqëruar nga bashkëpunëtorët e tij.

Qëllimi i takimit ishte informimi i ndërsjellë rreth aktiviteteve që po zhvillohet në institucionet përkatëse në fushën e administrimit të tokës, me theks të veçantë projekti i Agjencisë Kadastrale të Kosovës për rindërtimin e informacioneve kadastrale, ku pos tjerash përfituese është edhe Komuna e Vitisë, respektivisht Zonat Kadastrale Pozharan, Sadovine e Jerlive, Sllatine dhe Zhiti.

Kryetari Haliti ka theksuar se do të angazhohet që ky projekt të finalizohet ashtu siç edhe është paraparë gjatë fazave të implementimit të projektit, duke e ditur se përfitues kryesor nga ky projekt do të jenë vetë qytetarët e Zonave Kadastrale që i nënshtrohen rindërtimit duke i dhënë mbështetje implementimit sa më të mirë të tij.

Ndërkaq Avni Ahmeti, ofroi bashkëpunimin e tij rreth informimit sa më të mirë të qytetarëve rreth përfitimeve që rezultojnë nga implementimi i këtij projekti, me theks të veçantë rreth aktiviteteve që do të kryhet pa pagesë, e që në kushte tjera kanë një kosto për vetë qytetarin.

KOMENTE