Vitia me marsh kundër kancerit të gjirit
/2L ONLINE/ – Me qëllim të vetëdijesimit të qytetarëve të Komunës së Vitisë në luftë kundër kancerit të gjirit sot në qytetin e Vitisë u mbajt një ligjëratë mbi parandalimin e hershëm të kësaj sëmundje. Pas kësaj ligjërate u mbajt edhe marshi me moton: ” Jetën tende e ke ti ne dore-EKZAMINOHU” ku përveç qytetarëve kanë marrë pjesë edhe përfaqësuesit të Institucioneve Komunale të Vitisë, në krye me Kryetarin e kësaj komune, Sokol Halitin dhe Kryesuesin e Kuvendit Komunal, Naim Pira.
Përndryshe gjatë këtij muaji Grupi i Grave të Vitisë në bashkëpunim të ngushtë me Drejtorinë për Shëndetësi dhe Mirëqenie Sociale kanë mbajtur ligjërata vetëdijesuese edhe në lokalitetet e ndryshme të kësaj komune ku supozohet se rreth 500 gra janë njoftuar mbi natyrën e kësaj sëmundje. Po ashtu 7 gra të kësaj komune kanë përfituar ekzaminimin me mamografi falas në një projekt të përbashkët të Komunës së Vitisë me atë të Lipjanit.
Xhylsime Qamili, Kryesuese e Grupit të Grave të Vitisë, tha se në bashkëpunim të ngushtë me Drejtorinë për Shëndetësi dhe Mirëqenie Sociale dhe të personelit mjekësor të QKMF-së ata do të vazhdojnë të mbajnë aktivitete dhe ligjëratat të tjera në interes të shoqërisë vitiase.
“Gjithashtu gjatë kësaj kohe kemi realizuar edhe mamografinë falas, për 7 gra të komunës sonë në përkrahje të QKMF-së së Lipjanit, andaj falënderoj ata dhe drejtorinë e kësaj komune për realizimin e këtij projekti. Po ashtu kemi mundësuar falas edhe ultrazërin për gratë tona. “ u shpreh Qamili .
Ndërkaq ajo falënderoj edhe Dr. Vjollca Kadolli-Halili dhe të tjerë të cilët ligjëruan mbi sëmundjen e kancerit të gjirit gjatë këtij muaji. Ndërkaq sot u mbajt edhe ligjërata me temën ” Parandalimi i hershem i kancerit te gjirit, shpëton jetë” nga Dr. Hamide Pireci, Gjinekologe pranë Spitalit të Gjilanit.
Pas kësaj ligjërate u mbajt edhe marshi me moton: ” Jetën tende e ke ti ne dore-EKZAMINOHU” ku përveç qytetarëve të shumtë kanë marrë pjesë edhe përfaqësuesit të Institucioneve Komunale të Vitisë, në krye me Kryetarin e kësaj komune, Sokol Halitin dhe Kryesuesin e Kuvendit Komunal, Naim Pira./2L ONLINE/
