Vitia me ceremoni rasti falënderon të gjithë ata me të cilët realizuan projekte konkrete në të mirën e qytetarëve

/2L ONLINE/ – Komuna e Vitisë, konkretisht kryetari Sokol Haliti, në një ceremoni rasti i ka falënderuar të gjithë përfaqësuesit e organizatave, shoqatave, donatore dhe partnerët me të cilët gjatë këtij viti kanë bashkëpunuar me projekte të ndryshme në këtë komunë si : USAID-Projekti PPP-së, Helvetas Swiss Intercooperation-projekti DEMOS dhe projekti APR, Fondacioni Kosovë-Luksemburg, IADK si dhe shumë të tjerë . Gjithashtu gjatë këtij takimi të përbashkët Veton Ademi, Drejtor për Bujqësi, Pylltari dhe Zhvillim Rural në Viti, bëri një prezantim të shkurtë lidhur me projektet e realizuara në fushën e bujqësisë ku ndër tjerash bëri me dije se vetëm gjatë vitit 2016 janë investuar në këtë fushë mbi 2 milion e 196 mijë euro.

Kryetari i Komunës së Vitisë, Sokol Haliti gjatë kësaj ceremoni para dorëzimit të mirënjohjeve për përfaqësuesit e organizatat dhe shoqatave partnere ndër tjerash tha se për të është krenari dhe kënaqësi që komuna e Vitisë mund të rendit sukseset e arritura dhe atë në çdo sferë duke i falënderuar për këtë edhe partnerët e ngushtë të kësaj komune. “Sidoqoftë, rezultatet dhe sukseset tona nuk janë punë e vetëm një individi, nuk është përkushtim individual por është rezultat i përkushtimit dhe punës së përbashkët. Rezultat dhe sukseset tona nuk do të ishin të plota dhe ato që janë pa një angazhim të përbashkët për secilin prej juve” u shpreh kryetari Haliti. Ai tha se për këtë arsyeje kjo komunë ka vendosur që çdo vit të organizoj një rast solemn si ky është do të titullohet: “ Dita e falënderimit për miqtë e komunës”.

Kurse në pjesën e dytë të këtij takimi Veton Ademi, Drejtor për Bujqësi, Pylltari dhe Zhvillim Rural në Viti, bëri një prezantim të shkurtë lidhur me projektet dhe aktivitetet e realizuara në fushën e bujqësisë ku ndër tjerash bëri me dije se vetëm gjatë vitit 2016 janë investuar në këtë fushë mbi 2 milion e 196 mijë euro. Përndryshe ky takim është moderuar nga Kaltrina Sylejmani, Drejtoresh për Kulturë, Rini dhe Sport njëherit edhe zëdhënëse e qeverisë komunale në Viti. /2L ONLINE/