Vitia i gëzohet hapjes eventuale të Universitetit të Shkencave të Aplikuara në Ferizaj
/2L ONLINE/ – Kryetari i Komunës së Vitisë, Sokol Haliti ka marrë sot pjesë në një ceremoni të përbashkët në Komunë e Ferizajit ku u tha se së shpejti kjo komunë do të bëhet me Universitetin e Shkencave të Aplikuara.
Sipas një njoftimi të lëshuar nga Komuna e Ferizajit vendimi për shpalljen e Universitetit do të procedohet së shpejti në Qeverinë dhe në Kuvendin e Kosovës ndërsa për këtë gjë sipas këtij njoftimi është pajtuar edhe udhëheqja e Universitetit “Hasan Prishtina” pjesë e të cilit është Fakulteti i Shkencave të Aplikuara në Ferizaj.
Përndryshe kjo do shihet si mundësi e mire e studentëve të komunave fqinje për të kryerë shkollimet universitare sa më afër të komunës së tyre./2L ONLINE/