Vitia dhe USAID PRP do të realizojnë aktivitete të shumta në fushën e të drejtave pronësore

/2L ONLINE/ – Komuna e Vitisë, së shpejti pritet të jetë model për komunat e tjera të Kosovës dhe atë për shkak se në këtë komunë pritet të realizohen aktivitete të shumta sa i përket të drejtave pronësore. Kjo u bë e ditur gjatë një takimi që kryetari i Komunës së Vitisë, Sokol Haliti ka zhvilluar me z. Brain Kemple, Drejtor i Programit për të Drejtat Pronësore (USAID PRP).

Ky program ndër tjerash parasheh objektiva të shumta në realizimin e të drejtave pronësore duke filluar nga thjeshtësimi i regjistrimit të pronës, përmirësimi i bashkëpunimit ndërmjet institucioneve në shkëmbimin e informacioneve, dixhitalizimi i arkivit komunale kadastrale si dhe disa objektiva të tjera. Kryetari i Komunës së Vitisë, Sokol Haliti tha se komuna të cilën ai e udhëheq ka nderin të bashkëpunoj me USAID-in në veçanti në këtë program pasi që sipas tij ky program është në interes të gjithë qytetarëve të kësaj komune. /2L ONLINE/