Viti: U mbajt mbledhja e Këshillit të Drejtorëve

/2L ONLINE/ – Në mbledhjen e rregullt të Këshillit të Drejtorëve që u mbajt sot janë shqyrtuar pasqyrat financiare për periudhën janar-shator 2015 si dhe strategjia komunale kundër dhunës në familje për vitet 2016-2018.

Ibrahim Rama, Drejtor për Ekonomi, Financa dhe Zhvillim duke prezantuar këto pasqyra financiare foli edhe për shpenzimet në buxhetin e alokuar duke potencuar se për periudhën Janar-shtator janë shpenzuar gjithsej 82,02% dhe atë në të gjitha programet dhe kategoritë ekonomike.

“Gjatë kësaj periudhe kemi një buxhet të alokuar për 8.324.684.72€ ndërsa nga kjo shumë nëpër të gjitha drejtoritë është shpenzuar vlera e këtij buxheti prej 6.827.823.07€ ose 82.02%” u shpreh Drejtori Rama.

Ai poashtu ka folur edhe për të hyrat vetanake Ndërkaq duke u bazuar në planifikimin 9 mujor ai bëri me dije se të hyrat janë realizuar 84.06% ndërkaq në planifikimin vjetor është 58.48% ose mbi 590 mijë euro. Ndërkaq sipas këtyre pasqyrave financiare totali i shpenzimeve në të gjitha kategoritë kryesore është 6.827.823,07€.

Drejtori Rama poashtu prezantoj në detaje shpenzimet e bëra nëpër të gjitha kategoritë ekonomike duke ju përgjigjur pyetjeve të drejtorëve të drejtorive. Ndërkaq zv. Kryetari i Komunës së Vitisë, Hasan Aliu i cili njëherit kryesoj këtë takim ndër tjerash kërkoj nga drejtorët që të angazhohen në rritjen e të hyrave vetanake për muajt e mbetur.

Ndërkaq Ibadete Hyseni nga Njësia Komunale për të Drejtat e Njeriut në Viti, prezantoj Draft Strategjinë Komunale kundër dhunës në familje për vitet 2016-2018 dokument ky që është hartuar nga në përbërje te 7 anëtarëve, të cilët sipas saj janë caktuar me vendim te Kryetarit te Komunës. Ajo poashtu foli për rëndësinë e kësaj strategjie.

“Hartimi dhe zbatimi i kësaj strategjie, mundëson koordinimin e përpjekjeve ekzistuese të gjithë dikastereve që trajtojnë çështjen e dhunës në familje. Qëllimi i vetëm i këtyre përpjekjeve është që të parandalojë dhe luftojë dhunën në familje” u shpreh Hyseni./2L ONLINE/