Viti: Të shtohet kujdesi, virusi akoma është i ashpër

Viti: Të shtohet kujdesi, virusi akoma është i ashpër

Komiteti Komunal për Mbrojtje dhe Shpëtim (KKMSH) i Komunës së Vitisë  ka bërë thirrje për kujdes të shtuar, sepse virusi akoma është i ashpër dhe përditë po merr jetë njerëzish. KKMSH ka shprehur keqardhje për vdekjen e dy qytetarëve nga Pozherani dhe Mogilla, duke iu shprehur ngushëllimet më të sinqerta familjeve Zuka dhe Ademi, kolegëve dhe miqve të tyre.

Keyetari Sokol Haliti ka thënë në takimin e sotshëm të KKMSH-së se institucionet komunale në bashkëpunim edhe me mekanizmat tjerë, që nga fillimi i pandemisë, po bëjnë më të mirën e mundshme, për ta mbajtur gjendjen nën kontroll dhe për të ofruar shërbimet e nevojshme për qytetarët.

Sipas komandantit të Stacionit Policor në Viti, kapiten Afrim Halili, Plani Operativ anti-Covid është duke u zbatuar. Sipas tij, Policia në bashkëpunim me Inspektoratin po vazhdojnë monitorimin e zbatimit të masave në fuqi dhe po shqiptojnë dënime për ata që i shkelin ato.

KOMENTE