/2L ONLINE/ – Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë të ditur se Policia e Kosovës ka pranuar një informatë nga shtëpia e shëndetit në Viti se një i mitur,ka kërkuar ndihmë mjekësore pasi qe është sulmuar me një armë të ftohët (thikë). Patrulla policore pasi ka shkuar në vendin e ngjarjes në një shkollë fillore në Viti dhe aty ka kuptuar se gjate orës së edukatës fizike viktima është sulmuar me mjet të ftohët-thikë, nga i dyshuari, po ashtu i mitur, në pjesën e kraharorit në anën e majtë dhe në qafë.
“Viktima pas marrjes së ndihmës së parë në Viti, është dërguar në Emergjencën e Spitalit Regjionale në Gjilan, ku pas marrjes se ndihmës mjekësore është liruar në shtëpi. I dyshuari është sjellë në stacionin policor ku është intervistuar. Me vendim të prokurorit të shtetit për krimeve të rënda, rasti klasifikohet “Vrasje në Tentative” dhe i njëjti urdhëron që i dyshuari të ndalet në qendrën e mbajtës për 24 orë. Rasti i referohet Gjykatës”, ka bërë të ditur zëdhënësi Hashani. /2L ONLINE/
fotoilustruese