Viti: Sot nuk mbahet tregu i kafshëve

/2L ONLINE/ – Për shkak të paraqitjes së sëmundjes së ashtuquajtur Gungore e Lëkurës (SGL) që cilësohet si sëmundje e një rëndësie të lartë socio-ekonomike sepse mund të preken me shume se 50 % e fermave blegtorale, ngordhshmëria tek kafshët e prekura mundë të arrijë deri 10%, Drejtoria e Inspektoratit në Viti, ka marrë vendim që të mos mbahet tregu i kafshëve ditën e enjte më 30 qershor 2016.

Drejtoria e Inspektoratit, ka bërë të ditur edhe masat kryesore për menaxhimin e kësaj sëmundje që janë duke u ndërmarrë në vendin tonë, duke u nisur nga mbyllja dhe ndalimi i funksionimit të tregjeve të kafshëve, dezinfektim i fermave dhe lokacioneve të dyshimta, njoftim i rasteve të dyshimta për sëmundjen gungore të lëkurës, vizitë fermave të dyshuara, ndalimi i përkohshëm i kafshëve nga fermat e prekura apo të dyshuara.

Përndryshe, kjo sëmundje nuk bartet tek njerëzit por mund të shkaktojë dëme në ekonominë blegtorale. Përveç që mund të vije te ngordhja e kafshëve, kemi edhe reduktim të prodhimtarisë së qumështit, ulje të fertilitetit, si dhe dëmtim i përhershëm i lëkurës së kafshëve. /2L ONLINE/