![Viti: Kanë filluar punimet për asfaltimin e rrugës “Hoxhë Jonuzi” dhe “Muhamet Muharremi”](https://2lonline.com/file/2024/07/asfaltimi-viti24267-850x560.webp)
Në qytetin e Vitisë, kanë filluar sot punimet në asfaltimin e rrugës “Hoxhë Jonuzi” dhe “Muhamet Muharremi”.
Me këtë rast punimet i ka vizituar i pari i komunës së Vitisë, Sokol Haliti.
Krahas këtyre punimeve brenda qytetit janë duke u vazhduar edhe punimet e sheshit nga qendra e qytetit tek posta.
Gjithashtu në Viti, po bëhet edhe finalizimi i projektit me kalldrëm përgjatë lumit “Morava e Binçës”.
Me përfundimin e këtyre punimeve po bëhet rivitalizimi dhe zgjerimi i tërësishëm i rrugës nga QKMF-ja deri në hyrje të fshatit Drobesh.
Përndryshe ky projekt është financuar me mjetet financiare që komuna e Vitisë, ka përfituar në kuadër të grantit të performancës. /2LONLINE/