Zbuloni se cilat janë vitaminat më të mira për të rritur flokët tuaj shpejt dhe cilat janë ushqimet më të shëndetshme.
Vitamina A: Kjo është ndoshta vitamina kryesore që ka ndikimin më të madh në procesin e rritjes së flokëve tuaj. Kjo ndodh sepse ajo ndikon mbi rrënjën e flokut dhe gjenet të cilat kontrollojnë procesin e rritjes. Ky proces fillon kur ju konsumoni ushqime (kryesisht vitamina) të cilat përmbajnë amino-acidë për rrënjën e flokëve, nga ku fillon dhe rritja e shëndetshme. Filloni të konsumoni më shumë; spinaq, brokoli, mango, patate të ëmbël, dhe shalqi për dietën tuaj.
Vitamina B: Shfaqet në forma të ndryshme si; B2, B6, B12, të gjitha këto vitamina luajnë një rol të rëndësishëm në rritjen e flokëve pasi ushqejnë lëkurën e kokës dhe rrënjët e flokëve me ushqim që në fazat fillestare. Ju mund të merrni më shumë vitamina “B-Complex” ose nëpërmjet ushqimit të detit si; karkaleca, salmon etj.
Biotina: Një tjetër formë e vitaminës B, shpeshherë e njohur edhe si vitamina H, mendohet që mbron flokët tuaj nga thatësira e tepërt, forcon flokët në rrënje dhe në trup duke mos i lejuar të këputen apo të dëmtohen. Ndikimi më pozitiv që ka kjo vitaminë, është ndalimi i rënies së flokëve, një problem që shfaqet tek pothuajse 50 % e femrave.
Vitamina C: Tashmë e dini që vitamina C gjendet në agrume dhe ka ndikim të madh në rritjen e sistemit tuaj imunitar, por ajo gjithashtu luan një rol të rëndësishëm në kontrollimin e sasisë së yndyrës që prodhon lëkura juaj duke vepruar si një maskë natyrore. Ky hidratim natyror ndikon në procesin e rritjes të shpejtë të flokëve tuaj sepse ndalon rënien dhe dehidratimin e tyre.
Vitamina E: Kjo lëndë ushqyese është jetike për flokët dhe lëkurën tuaj sepse nxit qarkullimin e gjakut dhe sistemin imunitar duke e bërë atë aktiv. Një element shumë i rëndësishëm për të pasur flokë të shëndetshëm, me ngjyra të ndryshme dhe me shkëlqim.
Seleniumi: Është një vitaminë shumë e rëndësishme për flokët tuaj sepse lufton radikalet dhe toksinat që shkaktojnë dëmtimin e flokëve. Seleniumi gjithashtu përmirëson sistemin imunitar të trupit, një faktor i rëndësishëm në mbajtjen e flokëve të shëndetshëm dhe me shkëlqim. Seleniumin e merrni duke konsumuar ushqime deti, hudhra, drithëra, fara luledielli etj.