Nëse doni sy shqiponje për gjithmonë, mjekët këshillojnë të pasuroni dietën tuaj me vitaminën A. Shqisa e shikimit fillon të dobësohet me kalimin e viteve prandaj, parandalimi është në dorën tonë.
Vitamina A gjendet te ushqimet me prejardhje shtazore si mishi, veza, bulmeti. Ndërkohë që para-ardhësi i saj -beta karoten- gjendet te zarzavatet jeshile dhe ato me ngjyra të theksuara. Lakra e kuqe përmban me shumicë këtë vitaminë.
Një nga avantazhet e lakrës me ngjyrë të kuqe (krahasuar me jeshilen), është pikërisht përmbajtja e saj më e lartë në antioksidantin beta -karoten.
Më poshtë keni një recetë të thjeshtë -lakër e kuqe e grirë në fije -bajame ose arra të grira -mollë jeshile të grira -susam I përzieni në një enë.
Salca: -1/2 kupë manaferra, 2 lugë të mëdha uthull molle, 2 luge të mëdha lëng limoni & 4 lugë të mëdha vaj ulliri. I bluani përbërësit e salcës dhe ja hidhni lakrës së kuqe. Sado e çuditshme mund t’ju duket, një sallatë e tillë mund të konsumohet edhe si zgjedhje ideale për mëngjes.