Vikendi do të karakterizohet me mot të ftohtë dhe të paqëndrueshëm

Ja parashikimi i motit për këtë vikend (21–22 shkurt), sipas Institutit Hidrometeorologjik të Kosovës.

E shtunë

Mot i vranët. Vranësirat, vende-vende, parashihen të sjellin riga shiu të përziera me borë, kryesisht në pjesën veriore dhe veriperëndimore të vendit.

Temperaturat minimale do të lëvizin ndërmjet 0 deri 2 gradë Celsius, ndërsa maksimalet e ditës parashihen të lëvizin ndërmjet 2-4 gradë Celsius.

Do të fryjë erë nga veriperëndimi, me shpejtësi 1–5 m/s

E diel

Mot i vranët me intervale me diell. Vranësirat, vende-vende, parashihen të sjellin riga shiu.

Temperaturat minimale do të lëvizin ndërmjet -2 deri 0 gradë Celsius, ndërsa maksimalet e ditës parashihen të lëvizin ndërmjet 3-5 gradë Celsius.

Do të fryjë erë nga drejtimi i verilindjes, me shpejtësi 1–6 m/s.

Në përgjithësi, vikendi do të karakterizohet me mot të ftohtë dhe të paqëndrueshëm.  /2LONLINE/