“Viewpoint-s” dëmtohen me ngjyrë nga persona të pandërgjegjshëm

“Viewpoint-s”, pajisje të vendosura në pika të rëndësishme panoramike që shërbejnë, për qytetarë/turistë, për të parë peizazhe, bukuri natyrore…, ishin vendosur në funksion dy javë më parë, por persona të pandërgjegjshëm i kanë dëmtuar ato me ngjyrë.

Për këtë ka reaguar Drejtoria për Zhvillim Ekonomik dhe Diasporë e Komunës së Kamenicës, për të kërkuar nga qytetarët që të jenë bashkëpunues me institucionet relevante, që në rast dyshimi, t’i paraqesin shqetësimet pranë organeve kompetente.

“Në të njëjtën kohë, ju rikujtojmë se ruajtja e investimeve në secilën fushë, por edhe në atë të turizmit është detyrë e jona e përbashkët”, thuhet në njoftimin e Drejtorisë për Zhvillim Ekonomik dhe Diasporë.  /2LONLINE/