Vetura godet për vdekje policin Jahi Maliqi

(2LONLINE) – Jahi Maliqi, pjesëtar i Policisë së Kosovës (PK), ka humbur jetën të martën mbrëma në një aksident komunikacioni pasi është goditur nga një automjet i markës Golf që drejtohej nga shoferi R. Ajeti, kanë bërë të ditur autoritet policore të Rajonit të Gjilanit.

Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se rasti tragjik ka ndodhur të martën rreth orës 20 e 35 minuta në dalje të rrugës Kamenicë Strezoc.

Sipas zëdhënësit Hashani, i dyshuari është arrestuar dhe pas alkool testit ka rezultuar se ai ka qenë nën ndikimin e alkoolit. /2lonline/