Vetëvendosje me kritika të shumta për sektorin e kulturës

Përgjatë një konferencë me gazetarë, përfaqësues të Lëvizjes Vetëvendosje në Gjilan kanë adresuar një mori kritikash ndaj pushtetit në Gjilan kur është në pyetje sektori i kulturës.

Doruntina Matoshi, koordinatore e nënkomitetit për kulturë pran Vetëvendosjes, Qendra në Gjilan, ka thënë se qyteti i Gjilanit edhe sot vazhdon të jetë qyteti pa kinema e pa panair të librit, të cilat dikur i kishte.

“Ne ende nuk kemi një galeri të arteve përkundur numrit të madh të artistëve që ka qyteti. Janë bërë 19 vjet që komuna nuk e zbaton vendimin që e ka marrë Kuvendi Komunal në qershor të vitit 2001 për destinimin e Galerisë së Arteve në një vend të caktuar. Hapësirat publike që lehtësisht mund të adaptoheshin për galeri, shfrytëzohen për zyre nga partitë politike LDK e PD”, thotë Matoshi, që ka eksepriencë edhe në fushën e trashëgimisë por edhe dhe pikturës.

Sipas saj, krejt çka ofrohet për artistët pamorë është qё herё pas here tё ekspozojnё nё njё hapёsirё tё improvizuar nё katin e dytё tё objektit tё teatrit, ku gjasat mё tё mёdha i ke tё rrёzohesh shkallёve tё saj se tё arrish ta shijosh njё ekspozitё nё kёtё “galeri” qё nuk i plotёson as kushtet minimale e nuk ka organ udhёheqёs e as punëtorë.

Ideja e njё salle koncertale as qё parashihet nё planet e komunёs pёrderisa pёr njё performance muzikantёve iu duhet t’i bartin nё hapёsirat e teatrit instrumentet si pianoja qё ka peshe mbi 300kg.

Po ashtu, sipas Matoshit, në Muzeun e Qytetit tё Gjilanit i cili sipas Komunёs “ruhet” nga punonjёsit e QRKT-sё, tё cilёt sipas ligjit nuk e kanё detyrё tё punёs, hyn e del kushdo e kurdo, pa hasur nё asnjё pёrgjegjёs, e pa tё orientuar askush nё mungesё tё njё ciceroni a pёrgjёgjesi profesional, ku pёr shkak tё mosmbikёqyrjes mund tё dёmtohen apo tё vidhen eksponatet me vlerё tё trashёgimisё sonё kulturore, gjithashtu eksponateve iu mungon përshkrimi, e mos tё flasim pёr program e ndёrrim tё ekzpozitave as qё ёshtё menduar ndonjëherë.

Matoshi, tutje shprehet edhe se: pёrfundimit tё ndёrtimit tё objektit tё Shtёpisё sё Kulturёs dhe palestrës nё Zhegёr as qё i shihet fundi, e po njejtё pёrurimit tё Shkollёs sё Arteve nё kampusin e shkollave te mesme te Gjilanit. Me pёrurimin e kёtij objekti parashihej tё bёhej zgjidhja pёr Shkollёn e Muzikёs e cila pёr 40 vite qё nga themelimi shfrytёzon njё shtёpi-monument 130 vjet tё vjetёr, e tё pashpresё pёr tё hyrё nё shkollёn e re kanё mbetur edhe nxёnёs e profesor tё Shkollёs sё Arteve “Adem Kastrati” tё cilёt me vite barten nga njё objekt shkollor nё tjetrin, pёrderisa shkolla e re nё mungesё tё funksionalizimit çdo ditё e mё shumё demolohet sa qё ka njё kohё qё ёshtё bёrё cak i shkatёrrimit nga persona qё shfrytёzojnё objektin e shkollёs pёr tё pёrcjellur nga aty ndeshjet e futbollit qё zhvillohen nё stadiumin e qytetit.

Nga kёto shkolla e nga ky qytet dalin çdo ditё artistё e pёrfaqёsues tё kulturёs qё nderojnё qytetin me pjesёmarrje e çmime ndёrkombёtare e pёrkrahja qё iu ofrohet nga institucionet komunale ёshtё pёr keqardhje.

Biblioteka e qytetit ka mungesë të theksuar të titujve, të lektyrave shkollore, që u rekomandohen nxënësve nëpër shkolla. Zyrtari i bibliotekës në Miresh punon që 14 vite pa kontratë të punës.

Doruntina Matoshi, e Vetëvendosjes ka kritika edhe për manifestimin e Flakёs sё Janarit, manifestimit kulturor “mbarёkombёtar”, që sipas saj, karakteri mbarёkombёtarë i mbeti vetёm nё ftesa dhe propagandim, sepse i tillё nuk ishte ky edicion.

“Pёrkundёr kёrkesave e premtimeve se do tё ndodhё ribrendimi i Flakёs, kёtё nuk e panё artdashёsit e pёrzgjedhur, qё ishin tё privilegjuarit e Lutfi Hazirit, e vartёsve tё tij pёr t’i pёrcjellur aktivitetet e Flakёs. Ngushtimi i binës e reduktimi i vizitorëve ishte e meta e këtij edicioni të Flakës. Ajo edhe kёsaj here ishte manifestim pёr njё klasё tё caktuar elitare ku mё shumё mundёsi kishin tё merrnin ftesё pronarёt e ndonjё biznesi se artistёt e artdashёsis”, thotë ajo.

Matoshi shprehet tutje se Komuna e Gjilanit nuk e ka luksin t’i shfrytzojё nga paratё e taksapaguesve 65,667.76 € vetёm pёr njё grup tё caktuar tё njerёzve nёse nuk iu siguron mundёsi pёr ta pёrcjellur festivalin gjithë qytetarёve.Gjithashtu kostoja mbi 65000 sa janё shpenzuar pёr Festivalin e Flakёs sё Janarit nuk aryetohet me aktivitetet qё i ka prezentuar organizatori.

“Jemi nё muajin Mars dhe Drejtoria e Kulturёs, Rinisё dhe Sportit ende nuk e ka njё plan tё punёs, nga i cili do tё derivonin aktivitetet dhe organizimi i punёs nё kёtё drejtori. Pёrveç Planit tё Punёs drejtoria ende nuk e ka dorёzuar Raportin e Punёs pёr vitin 2019, qё do tё duhej ta prezentonte ne Janar”, thotë matoshi e vetëvnedosjes, për të shtuar edhe se Gjilani sot është qytet me njё numёr nё ngritje tё komunitetit artistik e kulturorë e me pёrkrahje cdo ditё e me tё ultë institucionale.