Vetëvendosje e Gjilanit i kthehet performancave simbolike
Tani kur çështja e buxhetit 2025 e Komunës së Gjilanit është në një “ngërç politik” të (pa)zgjidhshme, Lëvizja Vetëvendosje, Qendra në Gjilan, iu është rikthyer performancave simbolike, për të përçuar mesazhin e tyre.
Sot, në foltoren e Kuvendit Komunal të Gjilanit, ku ishte paraparë seancë për miratim të buxhetit (e cila dështoi për mungesë kuorumi), është vendosur baneri me mbishkrim: “Kryetari i Komunës – Propozon buxhetin vjetor për miratim në Kuvendin Komunal”.
Një baner i tillë është vendosur edhe në hyrje të objektit ku ndodhet salla e Kuvendit.
Kjo performancë ka të bëjë me përçimin e mesazhit ndaj seancës të së enjtes, po për çështje të buxhetit, thirrur nga opozita (LDK, PDK e Vatra), e që sipas ekzekutivit, por edhe Vetëvendosjes nuk është konformë ligjit, pasi sipas tyre, ligji për Vetëqeverisje Lokale e përcakton qartë kush e propozon buxhetin… /2LONLINE/